Big Dream

عدنا

2011-11-16T20:26:00.000-08:00

السلام عليكم ورحمة الله وبركاته

من زمان مفتحتش المدونة ولا حتى بصيت عليها يمكن علشان التويتر حل مكانها الله اعلم. بجد التويتر ده اختراع رهيب . لمعلوماتك : مخترع التويتر هو نفسه مخترع البلوجر اللي بكلمك من عليه حالا :)
انا دلوقتي بقضي فترة خدمتي في القوات المتسلحة وربنا يعديها على خير
فعلا صدق اللي قال " اللي ابوه وامه مربهوش ... الجيش يربية !"

استفدت ومازلت استفيد من الجيش مش بس السلاح وانما دروس قيمة في الصبر و الانضباط وتحمل المسؤلية وعدم الاستستلام للواقع اياً كان . وكفايه كده علشان هتحاكم عسكريا بتهمة افشاء الاسرار العسكرية :D

بالنسبة ليا القعده في البيت لوحدي زي القعده في الجيش مش فارقة كتير ! باستثناء الانترنت طبعا :)
دي كانت تدوينة على السريع كده بعيدا عن السياسة التويتر مسابش حاجه لولاد الحلال :)
كل سنة وانتم طيبين

تدوينه عل سريع

2011-10-17T09:53:00.000-07:00

السلام عليكم ورحمة الله وبركاته

Echoo Echooo سامع صدى صوتي :D كأني داخل خرابه والتراب في كل حته كح كح كح
بصراحه وحشتني المدونه واول مادخلت لقيت جوجل (ربنا يخليهالنا )>> هي مؤنث ولا مذكر؟ :D
المهم لقيتهم عاملين شويه استايلات جامده قلت لازم منكسفهمش ونرجع ندون تاني
قريبا اول تدوينه ليا بعد الثوره ... :) :)

ههههههه نكت كده على ماقسم

2010-12-17T05:29:00.000-08:00

سلامو عليكو دي حبة سياسه كده وربنا يستر :D
اضغط على الصوره لو مش واضحة << ومتنساش تعمل back علشان اسمع الكممنت بتاعك ;)

ااااااااااه يابلد 2

2010-10-06T21:02:00.000-07:00

السلام عليكم ورحمة الله وبركاته

استكمالا للبوست السابق واللي كنت بقول فيه اني حاسس بفرق السنادي لما سافرت السعوديه وبعد مارويت تفاصيل المعاناه في السفر من مصر ووصلنا للنش

مش عارف ليه اللنش كان مريح جدا ممكن علشان له علاقه بغير مصر؟ ولا علشان اسمه عمّان ولا علشان عليه ضباط سعوديين

المهم بعد ماوصلنا بالسلامه ومن غير حوادث غرق ولا عواصف ولا 12 ساعه توهان في عرض البحر ولا اي حاجه من ده كله (على غير العاده) بعد ماوصلنا نزلنا من اللنش لقينا اوتوبيس مستنينا ، الغريب في الامر ان الاوتوبيس ببلاش؟!!! ههههههههه ، الاصل طبعا في الحاجات دي انها ببلاش لكن في مصر بلد الامن والامان... هنقلبك يعني هنقلبك ، على اي حال نزلنا في صاله القادمين طبعا مش هتكلم على الامكانيات اللي في الصاله ولا التكييفات ولا الاثاث المكتبي الفاخر ولا المعاملة المحترمه ولا اي حاجه من الحاجات ساعتها يبقى انت اكيد اكيد مش في مصر !
مش محتاج اني اكمل باقي الرحله لانها كانت تقليديه جدا وملتزمه بمواعيدها وبدون اي مشاكل باستثناء لما وصلنا بلد اسمها حائل
كان معانا شخص سعودي وابنه جايين من مصر ، وكانوا هينزلوا في البلد دي والساعه كانت 6 الصبح طيب ايه المشكله بقا ؟
الحكومه السعوديه عايزه تحافظ على صحه الشعب وخايفه عليه منزله قانون ممنوع دخول شاحنات الديزل او اوتوبيسات الديزل داخل المدن قبل الساعه 9 صباحا حفاظا على الصحه علشان الناس نايميين وانت كده بتلوث الهواء في الساعه دي ، احم احم

وسواق الاوتوبيس عايز ينزل الناس دي في مدخل المدينه علشان ممنوع يدخل وهم مصرين ينزلهم قدام الموقف مكان سيارتهم

عجبتني قوي كلمة قالها الشخص السعودي ده للسواق

قاله: "احنا حيوانات تنزلنا هنا؟ انا مواطن هنا وليا حقوق !" تسائلت ساعتها عن مااذا كانت حكومتنا الرشيده بتعاملنا زي معاملة الحيوانات ، على الاقل في جهه هتحميك وهي الرفق بالحيوان ، حد يطمح في البلد دي انه ياخد حقوق زي الحيوان؟ وياترى حد يقدر يقول انا مواطن مصري وليا حقوق؟ دا اذا كان في حاجه اصلا اسمها مواطن مصري، انا اعرف اه حاجه اسمها قطن مصري ، رز مصري ، منتج مصري ، بس حد يعرف حاجه اسمها مواطن مصري؟

المهم بعد ده كله برده ارغمه انه ينزله في الموقف اللي فيه عربيته وقاله لو المرور كلمك قوله كان معايا مواطن سعودي وهو اللي قالي كده

هههههههههههههههه الشرطه في خدمة الشعب!

المهم بعد ماوصلنا بالسلامه وشفت الحبابيب وقعدنا معاهم يومين اللي خلاني احس ان المره دي مختلفه هي مظاهر حب الحكومه للشعب
بجد مش تريقه ، طبعا الحاجه دي كتير هيستغربوها بس المشاكل هناك غير هنا خااااااالص

مثلا على الطرق الداخليه كلها لافتات توجيهية وياسلام لو في حفره ولا حاجه في الشارع تلاقي قبلها ب500 متر يحذرك ان في حفره ويقفللك نص الطريق ونأسف للازعاج وكل شويه لوحه واحيانا يوقفلك عامل شايل علم كده علشان الناس تاخد بالها
هههههههههه انا مش هتكلم على اللي الحفره هنا في مصر

تيجي على مستوى الشرطه في خدمة الشعب تلاقي ظابط الشرطه ده شخص متواضع جدا جدا جدا
يعني ممكن تلاقيه عقيد ولا حاجه واقف في الشارع والناس تيجي تسلم عليه ازيك يابو فلان وعادي جدا وتلاقيه بيضحك ومبسوط

وممكن تروح تسأله على حاجه فين طريق السوبر ماركت ولا حاجه ونفسه يخدمك ويبسطك

مش هتكلم على النقيض افتح اليوتيوب واتفرج

صدق ابن تيمية حين قال: ان الله ينصر الدوله العادله ولو كانت كافره ولا ينصر الدوله الظالمة ولو كانت مسلمة
فما بالك بالدوله المسلمه والعادله!

الله المستعان
طبعا من بعد المشوار ده قلت توبه اني اجي بري تاني وجيت طيران

ركبت من المطار بكرامتي وركبت الطياره (نوعها ايرباص بالمناسبه) ووصلت في ساعتين وبالمناسبه لما وصلنا وانا نازل من الطياره لقيت جنبنا طياره اسرائيلية عليها علم اسرائيل الكئيب ده طبعا اول مره اشوف علم اسرائيل على الحقيقه كده (باستثناء المرسوم على الارض في الكليه عندنا)
ولما وصلت صالة القادمين في المطار لقيتهم بيتكلموا في الميكروفون بالعبري بينادوا على ركاب الطياره دي (هتقولي عرفت ازاي انه عبري هقولك قال في الاول شالوم :D) انا نزلت في مطار غلط والاايه ، لا دي مصر فعلا بس يظهر ان كل ماهو مصري بيستهان بيه في البلد دي واعدائنا بنحترمهم اكتر من بني جلدتنا واختلت الموازي وربنا يستر

كان معكم انا من بيتنا في مصر
اشوفكم على خير

ااااااااااه يابلد 1

2010-08-17T13:08:00.000-07:00

السلام عليكم ورحمة الله وبركاته

بكلمكم من السعودية اه بالظبط السعوديه البلد مش السعوديه المحطه

بصراحه مع اني بروحها كل سنة لكن السنادي حسيت انها مختلفه عن كل السنين

فبعد ماكانت السعوديه بالنسبالي حاجه تقليدية بدات احس بفرق ازاي بقا؟

بداية كده تعالوا بينا من ساعة ماركبنا الاوتوبيس في مصر

بداية كده وقبل مايتحرك الاوتوبيس السواق قاللنا يلا كل واحد يطلع في ايده خمسه جنيه

علشان ايه؟ رشوه للسواق علشان يسوق (اغلب الاحيان بيسموها دخان السواق ، ربنا يدخن فيه البعيد) المهم السواق قعد يزعق على اللي مدفعش وكأنه حق مكتسب ماشي كل الاوتوبيس اداله 5 جنيه

المهم الاتوبيس مشي الحمد لله

فضلنا ماشيين كده تقدر تقول كل ساعتين يقف علشان الاوتوبيس بايظ
عديها يعني هي جت على الاوتوبيس الغلبان؟

وصلنا الميناء ميناء سفاجا
اول ماحطيت رجلي في المينا واذا بهجوم كاسح من قبائل المغول اقصد الشيالين (الشيالين جمع شيال وهو كائن حي يتغذى على استغلال المسافرين واستثمار فرصة تواجد الشنط معهم بأعلى الاسعار مقابل شيلها ووضعها على عربه يملكها الشيال او يملكها زعيم العصابه اقصد ادارة الميناء) المهم انا بقا اظهرت الشجاعه الباسله واستخدمت الاسلحه اللي قعدت اصنع فيها طول الطريق من عبارات الشكر مستغنيين عن خدماتك ، ربنا مدينا صحه الحمد لله، لا شكرا ، لا ولا يهمك انا شنطتي بعجل وبجرها ، ايوا انا حر ، ياعم انا حر مش عايز حد يشيلي حاجاتي ، استغفر الله العظيم يارب ياعم مش عايز ،.... الخ الخ من الدروع والاسلحه

المهم بعد ماطلعت من المعركه الشرسه دي وجريت الشنط مسافة 50 متر (محدش يفكرها كتير دي كلها 50 خطوه يعني من هنا لعمو عسليه البقا) دخلنا صالة الميناء علشان الجوازات وكده ، لحسن حظنا ان اللنش (السفينة ) اللي هنركبها كانت على وشك الانطلاق فعدينا من جميع الكمائن والحواجز والعساكر ووو بكلمة السر اللي هيا (عَمّان) اللي هي اسم اللنش وكل ظابط او عسكري او بواب بمجرد سماع الكلمه دي ملامحة تتغير ويقول طب اجري بسرعه دي بتتحرك ، طبعا طبعا مع كلمة بتتحرك دي وقلبي بيتحرك هو كمان

المهم خلاص ختمنا الجواز وخلصنا وعلى بعد 30 متر اللنش لسه مااتحركش يااااااااه الحمد لله اروح بقا اركب اللنش

"انت ياعم انت تعالا اقطع تذكره الاول"
ايه ده مين اللي بينادي انا قاطع تذكرة ركوب اللنش بالفعل ولكن ال ايه واحد كده قاعد على باب صالة المغادره على مكتب وبيقطع للناس تذاكر ركوب حافلة الميناء علشان توصلك للباخرة ..... ياسلام الباخره دي بقا فين في بلد تانيه لا دي 30 متر يعني لو خدتها مشي هقطعها في اقل من دقيقه
لا دي اجباري كل فرد 5 جنيه تذكرة المصيبه ايه ان التذكره مختومه من الميناء والاوتوبيس مكتوب عليه انه تبع المينا والركوب الزامي

يعني شحاته عيني عينك ونصب عيني عينك بيفكرني بالشاعر هشام الجخ لما قال من ضمن قصيدة جحا وهو بيتكلم عن مصر

وشعور سخيف انك تكون رمز الشحاته **** تبني مبنى للشحاته .... تعمل وزارة للشحاته

ياساقية دوري عدي عليا ودوسي **** نصبوا عليا وشحتوني فلوسي

المهم سيبنا من القصيدة وهم فعلا نصبوا عليا وشحتوني فلوسي بعد ماركبت اللنش ياااااااااااااااااااااااااااااااااااااااااااااااااااااااااااه مش قادر اوصف فرحتي ساعتها بعد رحلة المعاناة اللي مريت بيها ولأني عارف ان بعد ماانزل الجهة المقابلة هلاقي حاجه مختلفه خالص

وقعدت على كرسي اللنش في ارتياح والمكيف شغال وصالة اللنش اشبه بثلاجه كبيره وغرقت في سبات عمييييييق

يلا معلش طولت عليكوا باقي التفاصيل في العدد القادم ...

سلامو عليكو

عودة

2010-08-10T22:25:00.000-07:00

السلام عليكم ورحمة الله وبركاته
كح كح دا ايه التراب ده كله المدونه زي مايكون مهجوره بقالها قرن من الزمان

من ساعة موضوع العقل والنقل والواحد مش جايله نفس يكتب ، مشفق على الناس دي وفي نفس الوقت خايف على نفسه من الفتن دي لان القلوب بين اصبعين من اصابع الرحمن يقلبها كيف شاء

نشر الرسالة

المهم اخيرا رجعت اكتب تاني ويارب ماتكون الاخيره

خلال الفتره اللي فاتت فكرت اكتب في مواضيع كتير قوي وفي كل مره لما افتح الايديتور علشان اكتب اقفله واقول بعدين

اما دلوقتي فانا تفوقت على نفسي وقلت اعوذ بالله من الشيطان الرجيم >>>ايه ده داحنا في رمضان يعني كل سنه وانتم طيبين يعني الشياطين مصفدين .... اهااا دا بيفسير الكتير

المهم فكرت اكتب عن مواضيع كتير مريت بيها خلال الفتره السابقه دي ، يعني الامتحانات ، البهدله اليومية الاعتيادية ، لافتات اعضاء مجلس الشعب وشعاراتهم المضحكة ، فوبيا اقسام الكلية والقرار الصعب ، مستوى كليتنا في البرمجه :D ،سعر الطماطم ! ، سعر حباية الكيوي ! ، بهدله السفر ، استغلال السياح في مصر واسلوب الشحاته المحترم ، يعني حاجات كتييييير فكرت اكتب فيها بس كل مره الكيبورد مايطاوعنيش ويقولي هتروح بلاش ياسييييد !

اخيرا هكتب
اخيرا هقول اللي في نفسي

يلا طولت عليكم اشوفكم بعد شويه

سلاموز

خاطره بسيطه في تقديم العقل على النقل عقلاً

2009-10-05T03:44:00.000-07:00

بسم الله الرحمن الرحيم

الحمد لله رب العالمين والصلاة والسلام على اشرف الانبياء والمرسلين نبينا محمد صلى الله عليه وسلم

فهذه بعض الردود على من رأى تقديم العقل على النقل في الشريعة الاسلاميه

اولا : هل تؤمن بالنبي محمد صلى الله عليه وسلم؟ اذا كان الجواب نعم فانتقل الى النقطه التاليه.

ثانيا : بماذا بعث محمد صلى الله عليه وسلم؟ الجواب البسيط المعروف بعث بالاسلام وهو شهادة الا اله الا الله وان محمد رسول الله ... فقط؟ هل من شهدها دخل الجنه؟؟ لا فلقد شهدها كفار قريش ولكن نقصهم العمل بمقتضاها استكبارا وتعالياً

وانما جاء مع الشهاده تحقيق العبوديه لله وهنا النقطه الثالثه

ثالثا: هل انت عبد لله؟ اذا كان الجواب بنعم . هل سمعت بعبد امره سيده بأمر ما فقال انتظر سأعمل عقلي اولا وان اقتنعت فعلته وان لم اقتنع فأنا حر!! ,, مهلا انت لست بِحُر . انت عبد نعم لقد جاوبت بنعم منذ قليل, والعبوديه في اللغه هي الانقياد التام والطاعه . ولو انكرت العبوديه لله فأنت تتمرد على الله سبحانه وتعالى والعياذ بالله فهو الذي خلقك اليس كذلك؟ نعم خلقك وانت تدين له بالطاعه والعبوديه الكامله وليس لك أي اختيارات فيها هل سمعت بشخص خلق نفسه وقال انا من خلقت نفسي وليس لأحدعلي سلطه؟ . اذن هل انت مخير ام مسير؟ هل العقل هو الفيصل في العبوديه؟ حسنا لنفترض ذلك, هل هدى عقل اليابانيين وتفكيرهم المتميز الى عبودية الله سبحانه مع وجود كافة الدلائل على خلقه تعالى لهم ؟ ام هداهم لعبوديه بوذا والشمس والنار والفروج والى ملل ونحل لايعلمها الا الله ؟ نعم هذا ماحدث عندما اعملوا عقولهم القاصره وقوانينهم الضاله عن الحق . انا لا اقلل من اهميه العقل في الاسلام . وانما العقول التي خلقها الله سبحانه تتفاوت على حسب خبراتها وطبيعة البيئه المحيطه والمؤثرات المحيطه . ولا يعذر الشخص لكون عقله توصل الى هذا والا لعذر اهل الجاهليه الاولى لانهم اجتهدوا بعقلهم بعد ابراهيم عليه السلام بعد الحنيفية! فعبدوا الاوثان ! وهداهم عقلهم لهذا.لذلك جاء الاسلام ليخلص الناس توحيدهم وولائم لله سبحانه وتحقيق العبوديه . حسنا ماذا لو قلنا سنعرض كلام الله وسنته على عقولنا فإن وافقت منطقنا عملنا بها وان لم توافق تركناها .حسنا ً لو افترضنا هذه الفرضيه ماذا تقول في شخص لم يقتنع بحركات الصلاة والركوع والسجود فهو يرى انها حركات لافائدة منها وانه رياضي فعلا ويمارس الرياضه يوميا بكافة اشكالها ؟ ماذا تقول في شخص يرى الزنا حريه شخصية ويرى ان تقييد الاسلام له غير مبرر مطلقا ؟ ليس هذا لأنه لايعرف مخاطره وانما لان عقله صور له هذا وان الذي يفعله سيضر نفسه وهذه حريته الشخصيه ؟ ماذا تقول في شخص صور له عقله ان القرآن لم يصله كامل؟ وان فيه نقص لانه منذ قديم الازل ؟ نعم لو قستها على منطق العقل سيثبت ذلك فالقرآن منذ اكثر من 1400 سنه وتعرض لمحاولات للتحريف وووو . ستقول لي قول الله سبحانه وتعالى (انا نحن نزلنا الذكر وانا له لحافظون ) سيقول لا آؤمن بالنقل اثبتها بالعقل . حسنا هل هذا اسلام؟ فأين الاسلام اذن؟ لقد بعث الرسول صلى الله عليه وسلم بالاسلام وهو الاستسلام لله بالتوحيد والانقياد له بالطاعة . حسنا ان كنت لاتؤمن بهذا النقل الاخير فمن الافضل ان تعلن انك لست بمسلم وانما بعضا من الاسلام وافق منطقك فقط , مثل المرضى الذين يسجدون فقط لان السجود فيه علاج لاحدى الامراض العصبيه النفسيه . هل هؤلاء مسلمين؟ لو انهم آمنون بأن هناك الله وان محمد صلى الله عليه وسلم هو اخر الانبياء ووافق هذا معتقداتهم .هل يكونوا مسلمين لمجرد ايمانهم هذا؟ انهم لم يطبقوها الا لأنها وافقت منطقهم ووافقت نمط معيشتهم فقط انما هل انقادوا لله وطبقوا معنى العبوديه؟ حسناً مامعنى العباده . العبادة التي أمر الله بها هي اسم جامع لكل ما يحبه الله ويرضاه من الأقوال والأفعال الظاهرة والباطنة والبراءة مما ينافي ذلك .وتحقيق معنى العبوديه هي بتطبيق ذلك من غير مناقشه ولا جدال وكون الانسان لايؤمن بهذا فهو ليس بمسلم قال تعالى : فلا وربك( لا يؤمنون) حتى يحكموك فيما شجر بينهم ثم لا يجدوا في أنفسهم حرجا مما قضيت ويسلموا تسليما. اسمع شخص يقول هاانت ذا قد كفرتنا اننا مسلمون نشهد ان لااله الا الله وان محمد رسول الله , سأعود واقول هل هذا هو الاسلام فقط؟ سيقول نعم واصلي واصوم واحج واخرج الزكاة اليس هذا هو الاسلام؟ سأقول نعم لكن اذا فعلت كل هذا ولم تطبق معنى لااله الا الله الذي هو معنى الاسلام فكل هذا هباءً منثورا

اعود واقول هل تؤمن بالقرآن؟ اذا كان الجواب بنعم

فقد قال الله سبحانه (وماخلقت الجن والانس الا( ليعبدون) ) هل يمكن تأويل هذه الايه اننا مخلوقين لنعمل ونعيش ونتمتع بالحياه بالاضافه لديانتنا بالاسلام؟ فأين تذهب بإلا ليعبدون؟ الا اذا كانت اللغه العربيه ضعيفه عند القارئ فيمكنه ان يبحث في معنى "إلا "

حسنا اليك هذه كذلك(ولقد بعثنا في كل امة رسولا ان اعبدوا الله واجتنبوا الطاغوت ) ماذا بها؟ عاديه اليس كذلك؟ ولكنها تبين ان كل امه من الامم السابقه كان هلاكها هي عدم عبوديتها لله وعدم اجتناب الطاغوت ومعنى الطاغوت يدخل فيه الاهواء التي تعبد من دون الله كالذين يقولون ان وافق القرآن منطقنا واهوائنا وواقعنا وافقناه وان لم يوافق فلايناسبنا . فهؤلاء لم يعبدوا الله لاقتناعهم بألوهية الله سبحانه وانما لموافقتهم نمط معيشتهم وشيئا من منطقهم .

حسنا نقطه اخرى لمن يقدم النقل على العقل : طبعا جاوبت على كونك مسلم بالايجاب . لماذا تصلي الظهر 4 ركعات والفجر ركعتين مع انهما لم يذكرا في القرآن الذي ذكرت انك تؤمن به ؟ ستقول لي لان الرسول قالها . لم وافقت على التصديق بنقل هذه المعلومه؟ مع انه لاحكمة عقليه بكون صلاة الظهر 4 ركعات؟ بل قد يكون العكس قد يستطولها البعض والبعض الاخر يستقلها . لم تسلم بهذه الا لأنك مسلم ومستسلم لشرع الله سبحانه وعامل بما فيه سواء وافق ذلك هواك ام ومنطقك وعقلك ام لم يوافقه

بل ان مبايعة خليفة المسلمين يكون بـ: نبايعك على السمع والطاعه في العسر واليسر في المنشط والمكره وأثرة علينا .

وهذا ليس خبط عشواء . فقد قال احد الصحابه للرسول صلى الله عليه وسلم : علام نبايعك؟

قال: علي السمع و الطاعة في النشاط و الكسل و علي النفقة في العسر و اليسر و علي الأمر بالمعروف و النهي عن المنكر وعلي أن تقوموا في الله، لا تأخذكم في الله لومة لائم علي أن تنصروني إذا قدمت إليكم ، و تمنعوني من أنفسكم و أزواجكم ولكم الجنة.

هذا ان كنت عزيزي القارئ تصدق كلام الرسول صلى الله عليه وسلم . مع العلم ان من كذب الرسول صلى الله عليه وسلم فهو مرتد كافر يطبق عليه احكام الرده وهي القتل بااجماع اهل السنه والجماعة.

فهذا امير المسلمين وجب عليك طاعته بالتسيير وليس بالتخيير الا ان يأمرك بمعصية الله . مع فارق المثل الشاسع فمابالك بالله جل جلاله سبحانه وتعالى ؟ هل نأخذ من كلامه ونرد؟

ان كان من يقدم العقل على النقل مصدقا لما يقول فلم يؤمن بالاسلام اصلا؟ اين الدليل المادي ان الاسلام لم يحرف الا بالتصديق لرب العالمين سبحانه وتعالى ووعده بحفظ هذا الدين ؟ هل تؤمن بالله بهذا المنطق؟ سيقول قائل نعم والدليل خلقه للكون واعجازه في خلق الانسان والكائنات . حسنا . هل تركك الله الذي تؤمن به من غير هدى وخلقك هكذا عشوائيا تعالى الله عن ذلك علوا كبيرا هل تركك من غير مرشد يقودك الى سبب خلقه لك؟ أي هل ترك الله البشر بعقولهم وترك لهم مهمه اكتشاف ان وراء هذا الخلق خالق؟ ولم يبين لهم الطريق المستقم؟ ام اننا مثل الحيوانات نأكل ونشرب ونتناسل ونعيش ونتوارث هكذا الى الابد؟ والعقل فقط قد آتاه لنا كي نعرف ماينفعنا وما يضرنا كي نستطيع الاستمرار على الحياه؟ ولنحكم الارض بعقلنا ونسيطر على كافة الكائنات؟ لم يتركنا الله سبحانه وتعالى عن ماقيل علوا كبيرا . ان الله قد خلقنا لنا مع العقل دليلا ونبراسا نمشي عليه وقال ان هذا الصراط المستقيم فاتبعوه ولا تتبعوا السبل فتفرق بكم عن سبيله . وحذرنا من كل سبيل غير سبيل هذا الدين .

سيقول قائل انا اؤمن بالاسلام ولست ملحد لااريد دليل على وجود الله ولا دليل على الاسلام فلماذا كل هذا التقديم ؟ سأقول ببساطه ان الصراط المستقيم الذي ذكره الله سبحانه وتعالى يقتضي الاذعان والعبوديه التامه له سبحانه

وتوحيده في الارض . والتي هي سبب لدخول الجنه . والتي خلقنا من اجل تحقيقها . نعم وبعث من اجل ذلك الرسل وسن الشرائع.

ثم بماذا آمنت عندما آمنت بالجنه والنار؟ اليس بالنقل؟ لماذا لم تنكره اذن مع انه ليس هناك ادله على انه هناك جنة مالاعين رأت ولا اذن سمعت ولا خطر على قلب بشر! هل من العقل قول ان هناك شيء لم ندركه بعد؟ ولم يصل اليه علمنا؟ الا اذا سلمنا بذلك وصدقنا وأسلمنا؟! فعقل الانسان قاصر وليس مقياس لشرع الله سبحانه فالمشرع الذي هو الله سبحانه هو الذي خلق لي ولك العقل فكيف ننازعه فيه؟ ام كيف نقول سنعبدك بعقلنا ؟ ان الذي وهبني ووهبك نعمة العقل سبحانه يعرف حدودها ونطاقها وكيف ومتى تقف وقد نبهنا الى ذلك واكد على ذلك النبي صلى الله عليه وسلم . واذا اردت ان تتأكد من قصور عقل الانسان فانظر الى نفسك هل تستطيع ان تفسر لماذا يشتغل القلب؟ ام هل يستطيع امهر علماء الطب ذلك؟ انها مبوبه في علم الطب بـ ظواهر لاتجد تفسيرا . انها ببساطه لان العقل له حدود يقف عندها .لذلك قال الله سبحانه (انما يخشى الله من عباده العلماء) أي انه لايعرف قدرة الله سبحانه حق المعرفه ويعرف ان عقله عاجز الا العلماء . معنى هذا الكلام ان الخالق سبحانه الذي وهبك هذه النعمه ادرى بطريقه استخدامها المثلى واخبرنا ذلك وانه ماخلقنا الا لنعبده ونحقق معنى التوحيد ولا اله الا الله كما دلت الآيه السابق ذكرها .

وتولى مهمة تبليغ هذه الرساله بعد الرسل العلماء فهم يتدارسونها لأجيال واجيال لكي لانزيغ عن هذا النهج القويم والطريق المستقيم وهذه الرساله الساميه من الخالق سبحانه وتعالى على كافة العصور وماسبب الجاهليه التي سماها الله بذلك الا لأن الناس تركوا تدارس هذه الرساله فاندثر العلم وشاع الجهل وولد اجيال لايعرفون شيئا عن الحنيفية وقتها الا اسمها لان اهل العلم قد ماتوا ومن يعلمون بأمرها لم يتكلموا ولم يبينوها فاندثر توحيد الله في الارض وسمى الله سبحانه تلك الفتره في القرآن بالجاهليه . فالواجب علينا ان نسلم لله زمام امرنا ونسلم لامره ونحقق العبوديه وننصاع لامر الله في المنشط والمكره وفي السر والعلن كي نحقق لا اله الا الله التي هي رساله الله في الارض : ان معنى لا اله الا الله هي ان لا (معبود) بحق الا الله والعبوديه كما اسلفنا هي الانصياع التام لتعليمات الله سبحانه بدون عرضها على عقلنا بغرض المشاورة هل نفعلها ام لا وانما نعرضها على عقلنا كي نزداد ايمانا بالله عندما نرى دلائلها . فعندما قال ابراهيم عليه السلام رب ارني كيف تحيي الموتى . لم يقل ذلك كي يؤمن او لا ! وقد قال الله سبحانه وتعالى له : اولم تؤمن؟ فقال ابراهيم عليه السلام: بلى . أي انا اؤمن اولا حتى لو لم اقتنع ولكن ليطمئن قلبي. واطمئنان القلب عند اهل اللغه العربيه التي نحن في اشد الحاجه لمعرفه معناها كون القرآن باللغه العربيه واطمئنان القلب هو زيادة التأكيد مع الايمان الفعلي بالشيء المراد الاطمئنان له. فالايمان اولا والتسليم به والانقياد له اولا قبل كل شيء ثم اذا وافق ذلك منطقنا وعقلنا زادنا ايمانا اما اذا لم يبلغنا علمه فعلينا الايمان به والتسليم حتى ان كنت في قرارة نفسك لا تراه مناسبا . فهذا تحقيق معنى العبوديه التي اتفقنا انك عبد لله سبحانه وتعالى والعبد مطيع حتى ان لم يقتنع .

هذه خاطره بسيطه والكلام في هذا الموضوع يطول جدا والدلائل والمؤشرات كثيره جدا نسأل الله الهدايه والتوفيق والسداد

هذا وان اصبت فمن الله وان اخطأت فمن نفسي والشيطان والله ورسوله منه براء والمعذره قطعنا السلسلة السابقه وسنعود اليها لاحقا بمشيئة الله سبحانه

والسلام عليكم ورحمة الله وبركاته

تفتكر هيتغير؟! الجزء الاول

2009-10-03T12:47:00.000-07:00

بسم الله الرحمن الرحيم

الحمد لله رب العالمين والصلاة والسلام على اشرف الانبياء والمرسلين نبينا محمد صلى الله عليه وعلى اله وسلم

من منا لايعلم حقارة هذه الدنيا ودناءتها فيكفي ان اسمها "الدنيا " من الدنو ووضاعه الشيء ولا تساوي عند الله سبحانه جناح بعوضه ولكن ليس هذا موضوعنا !

سأتكلم اليوم بمشيئة الله عن ظاهرة عند شباب المسلمين الا وهي "انا هبقى كويس " , "انا هعمل حاجه ان شاء الله " وما الى هذا الكلام

ظاهر الكلام يوحي بأن القادم سيكون مثيرا للاهتمام وزخرف القول يوحي بأن المتكلم يعزم فعلا على شيء عظيم ولكن , مابعد لكن يفيد الاستداره ...اقصد الاستدراك هل يلوح المستقبل القريب بالبشائر؟
ام انها القاب مملكة في غير موضعها ....... كالهر يحكي انتفاخا صولة الاسد !

حسنا لتحول الى التصوير الثلاثي ابعاد
ليس لنصور الشخص ونصور وجهه وقفاه ولا جانب وجهه مع ذقنه والشارب مع السوالف وانما لننظر الى حياته من كل نواحيها

لنتفحص حياته جيدا ولنتلمس المؤشرات عسى ان يطمئننا مؤشر الماوس اقصد من المؤشرات على تطور في حالته

لنبدا بغرفته :
ماهذه التماثيل التي انت لها عاكف اقصد الصور التي انت لها معلق اما دريت ان الملائكة لاتدخل بيتا فيه كلب اوصورة !؟ مهلا ماهذا الصوت ؟ انها معشوقة الجماهير! لست ادري كيف يعشقها كل الجماهير لوكشة واحده ومن هو التيس الذي سيتزوج من هذه حالتها ؟ وهذه اخلاقها ؟ وهذه حياتها ؟ على الارجع انه لاينتمي الى فصيله الحيوانات حتى

لننظر للامر من زاويه اخرى

هذه المغنيه العاشقه الولهانه التي اذابت الشباب في الحب واغرقت الفتيات في الغرام واذاقت الرجال صنوف الذل والخنوع والخور وافسدت على الشباب احلامهم بعد ان كانت في الثريا صارت في مادون السافلين

بعد ان هام شابنا الولهان في فتاة احلامه الملائكية لابسة الثياب الورديه تلمع من فعل كريم الاساس تغمز له بعين خفيه تطير في غرفته الصغيره لتناطح السقف كل ذلك بفعل الاغنيه ! .

ليس هذا فحسب بل انها غرست في اخوته الصغار مفهوم الحياه من اجل الحب ! وهي الحياة ايه من غير حبك ياحبيبي ! ...اكيد كل حاجه حلوه يارفيقي

حسنا لنمتطي زر التصغير -- ولنخرج من غرفته المليئه بالادخنه الرماديه والتي تعج بفوضى الاحلام وتنضح بلظى الاوهام ولنهرب قبل ان يصيبنا بعض مااصابهم ..

ماهذا انه على اخر الشارع مع اصدقائه الانتيم ! وشلته المقربين ! واحبائه الذين سيستديرون بوجوههم عنه عند اول مفترق طريق! وهل تحلو الحياة بغير هكذا رفيق؟!

راح صاحبنا يتموج بجسده راقصاا وفغره باسما متوهما باستمتاعه بالاغنيه على صوت نجم الاغنيه الشعبيه وقائد ثورة الصين الشعبيه , في الموبايلات الصينية
انه يغني بااهازيج لامعنى لها ومن خلفه دوي لموسيقى شعبيه تخلع فؤادهم اليائس حسره على خيانة الاصحاب او هجر بنت الجيران او جشع الاقران او او من هِمم مادون الفئران وطمع اكثر من الغربان

لنبتعد قليلا بالزووم مهلا انه نفس الشخص المتمني للامنيات والمخدوع بالمغريات والتائه في بحر الظلمات يقف مع فتاه !

الى هنا ياسادة يجب ان نقطع هذا المشهد ونستكمل المعاناه في البوست القادم لننظر عن قرب ونسترق السمع الى الاحاديث الشجيه والى صاحبنا المقدام فارس الاحلام بائع الجرجير ومهلك الطباشر على الجدران الجير الهائم الولهان فانتظرونا

كيف تصبح عالما؟ تفتكر ليه؟

2009-07-28T07:38:00.000-07:00

السلام عليكم ورحمة الله وبركاته

45% من شعب مصر اميون (لايقرأون ولا يكتبون)

هل انت مصدوم لهذه النسبه ؟؟ هل ادركت الان لماذا نحن في ذيل الامم ؟؟

هل تعلم كم تنفق اسرائيل على سبيل المثال او امريكا على العلم وكيف تدعم العلماء وتهيء لهم البيئه المناسبه للابداع ؟
هل تستطيع ات تقرأ هذه المبالغ الفلكيه ؟ ولماذا هذا الاهتمام؟
هل تعلم لماذا يحلقون في سماء الامم حاليا؟ هل ادركت لماذا كان المسلمون يقودون الامم سابقا؟ هل تستطيع ان تتخيل كمية الكتب التي كانت في مكاتب المسلمين وقتها؟؟هل تتصور مدى اهتمامهم بالعلم وقتها؟

قد يقول قائل هذه مشكلة الحكومات التي لم تهتم بالعلم , فعلا الحكومات لها دور كبير جدا فيها لكن اين دورك انت ؟ فالعلم ليس عليه قيود حاليا ! ومصادر العلم متوفره وبغزارة ولكن اين المهتم ؟!

هل تعلم ان السياسيون يقومون على رغبات الشعوب؟ اي انهم ينظرون في اهتمامات الشعب... اي ان الوقت الذي يقوم فيه السياسيون ببرنامج انتخابي بدلا من ملئه بتوفير الزيت والسكر يقوم بملئه بتشجيع العلم والعلماء وتوفير احتياجاتهم ...
نعم نحن من نقرر كيف تجري الامور باهتماماتنا انت وانا ...
فمتى نستطيع الوصول الى هذا الاهتمام بالعلم والفيصل الجوهري في تقدم الشعوب

اتعتقد ان ذلك سيتحقق في ظل هذه النسب المنخفضه من اهتمامنا بالعلم ؟
عدد الباحثين العلميين في العالم العربي كله 136 باحث لكل مليون مواطن
اسرائيل بس 1395 باحث لكل مليون مواطن
امريكا 4374 باحث لكل مليون مواطن
اليابان 5000 باحث لكل مليون مواطن
عدد الابحاث العلميه في العلوم البيولوجيه على سبيل المثال
العالم العربي كاملا يقدم سنويا 447بحث
عدد الابحاث في اسرائيل فقط سنويا 593 بحث
عدد الابحاث في امريكا سنويا14500 بحث
عدد الابحاث في اليابان سنويا 5400 بحث
*ملاحظه عدد سكان اسرائيل 5 مليون مواطن!
تأمل احصائيات العالم العربي كاملا من شرقه لغربه

الا يبشر هذا بالتقدم القريب!

اعزائي انصحكم بسماع سلسلة كيف تصبح عالما لتتعرفوا على واقعنا العلمي واهميه العلم بالنسبه لنا لنهوض الامه

"ليس هناك مبرر لنبقى في ذيل الامم سنوات وسنوات

الطالب الذي لم يجد المناهج العلميه ليست على المستوى الامثل لم يمنعك احد ان تتقن هذه العلوم والبحث في المصادر المختلفه والمتوفره بغزاره في الوقت الحالي لترفع من حصيلتك العلميه

اما الانسان داخل الكليه فقط علشان ينجح وياخد الشهاده فقط عمره مايتحرك!"

كيف تصبح عالما

ارجو من الجميع سماعها للضرورة القصوى ومحاولة نشرها لتعم الفائده ولاتستحقر دورك ابدا

الدرس الاول

العلم وبناء الامة

| حفظ , استماع http://media.islamway.com/lessons/raggeb/254_KayfToSbe7o3aleman/01.rm realOne 0 | ( الحجم: 4.29 MB )

| حفظ , استماع http://media.islamway.com/lessons/raggeb/254_KayfToSbe7o3aleman/01.mp3 windowsMediaPlayer 0 | ( الحجم: 11.97 MB

الدرس الثاني

قراءة في واقعنا العلمي >>very Important

| حفظ , استماع `http://media.islamway.com/lessons/raggeb/254_KayfToSbe7o3aleman/02.rm` `realOne` `0` | ( الحجم: 4.78 MB )

| حفظ , استماع `http://media.islamway.com/lessons/raggeb/254_KayfToSbe7o3aleman/02.mp3` `windowsMediaPlayer` `0` | ( الحجم: 13.33 MB

الدرس الثالث

الإسلام وعلوم الحياة - 1

| حفظ , استماع http://media.islamway.com/lessons/raggeb/254_KayfToSbe7o3aleman/03.rm realOne 0 | ( الحجم: 5.88 MB )

| حفظ , استماع http://media.islamway.com/lessons/raggeb/254_KayfToSbe7o3aleman/03.mp3 windowsMediaPlayer 0 | ( الحجم: 16.42 MB

الدرس الرابع

الإسلام وعلوم الحياة - 2

| حفظ , استماع http://media.islamway.com/lessons/raggeb/254_KayfToSbe7o3aleman/04.rm realOne 0 | ( الحجم: 6.59 MB )

| حفظ , استماع http://media.islamway.com/lessons/raggeb/254_KayfToSbe7o3aleman/04.mp3 windowsMediaPlayer 0 | ( الحجم: 18.41 MB

الدرس الخامس

ميراث الأنبياء

| حفظ , استماع http://media.islamway.com/lessons/raggeb/254_KayfToSbe7o3aleman/05.rm realOne 0 | ( الحجم: 6.72 MB )

| حفظ , استماع http://media.islamway.com/lessons/raggeb/254_KayfToSbe7o3aleman/05.mp3 windowsMediaPlayer 0 | ( الحجم: 18.77 MB

الدرس السادس

جهاد العلماء

| حفظ , استماع http://media.islamway.com/lessons/raggeb/254_KayfToSbe7o3aleman/06.rm realOne 0 | ( الحجم: 7.63 MB )

| حفظ , استماع http://media.islamway.com/lessons/raggeb/254_KayfToSbe7o3aleman/06.mp3 windowsMediaPlayer 0 | ( الحجم: 21.32 MB

الدرس السابع

أوقات العلماء

| حفظ , استماع http://media.islamway.com/lessons/raggeb/254_KayfToSbe7o3aleman/07.rm realOne 0 | ( الحجم: 6.49 MB )

| حفظ , استماع http://media.islamway.com/lessons/raggeb/254_KayfToSbe7o3aleman/07.mp3 windowsMediaPlayer 0 | ( الحجم: 18.12 MB

الدرس الثامن

أخلاق العلماء

| حفظ , استماع http://media.islamway.com/lessons/raggeb/254_KayfToSbe7o3aleman/08.rm realOne 0 | ( الحجم: 6.53 MB )

| حفظ , استماع http://media.islamway.com/lessons/raggeb/254_KayfToSbe7o3aleman/08.mp3 windowsMediaPlayer 0 | ( الحجم: 18.25 MB

الدرس التاسع

صورة رائعة من حضارتنا العلمية

| حفظ , استماع http://media.islamway.com/lessons/raggeb/254_KayfToSbe7o3aleman/09.rm realOne 0 | ( الحجم: 5.63 MB )

| حفظ , استماع http://media.islamway.com/lessons/raggeb/254_KayfToSbe7o3aleman/09.mp3 windowsMediaPlayer 0 | ( الحجم: 15.73 MB

ارجو من الجميع سماعها للضرورة القصوى ومحاولة نشرها لتعم الفائده ولاتستحقر دورك ابدا

نقلا عن موقع islamWay

م	الدرس	استمع له
1	العلم وبناء الامة	14551
2	قراءة في واقعنا العلمي	10207
3	الإسلام وعلوم الحياة - 1	9254
4	الإسلام وعلوم الحياة - 2	7760
5	ميراث الأنبياء	7752
6	جهاد العلماء	7968
7	أوقات العلماء	8580
8	أخلاق العلماء	7608
9	صورة رائعة من حضارتنا العلمية	7856
10	الصحابة والعلم	6831

انت شايف كده ؟؟

2009-05-29T08:23:00.000-07:00

بسم الله الرحمن الرحيم
س كان طفلا صغيرا نشأ في بيئه شديده الشغف بالعلم(Scientific environment ) لم يكن امامه هدف الا تحصيل العلم فبرع في تخصص الفيزياء الكهربائيه وابدع ولكن كان عنده مشكله صغيره انه كان يرى الحياه من منظار اخر

كل من حوله كانوا اناس فاسدين بمعنى الكلمه فالملاهي الليليه كانت تعج بالراقصين والراقصات وتفوح فيها رائحه الشمبانيا والويسكي

وصاحبنا كان يرى هؤلاء وله وجهة نظر معينه

كان يحس ان شاربي الخمر هؤلاء اناس غير صالحون بينما الذين يكتفون بالرقص والمرح فقط هؤلاء هم القله المعتدله (الوسطيه )

ولكن انتظر هل قلت الوسطيه ؟؟
نعم انها الوسطيه ,, مهلا هل قلت ان الذين يكتفون بالرقص هم الوسطيه المعتدلون ,, نعم ... من وجهة نظر هذا الشخص !

الى هنا اتوقف عند سرد قصه هذا الـ س من الناس

هل الوسطيه التي نتخيلها هي الوسطيه التي ينبغي ان تكون ... ام ان البيئه المحيطه بنا هي من زرعت في عقولنا هذه الفكره ؟

هل الوسطيه عند عالم مسلم مخلص هي الوسطيه عند اي شخص عادي ؟

مهلا ماهذا الكلام السمين الذي تقوله ؟ هل تقصد باننا وجهة نظرنا عن الوسطيه خاطئه ؟ لا لا بالتأكيد انت على خطأ ! انا من يوم ان وعيت على الدنيا وانا اعرف الوسطيه واعرف الاعتدال..

احبائي ان الوسطيه التي نتخيلها قد تكون اشياء مسلم بها بالنسبه لنا(كالملاهي الليليه في القصه السابقه) لان اتجاه المجتمع وضع هذه الفكره في رؤوسنا وهي في الحقيقه!!!؟ هذا هو السؤال

ارجوا ان نعيد النظر في معاييرنا حسب مافرضه خالقنا لان بدون ذلك كلٌ له وسطيه وكلٌ له معايير وفي هذه الحاله الاختلاف في الرأي بالتأكيد سيفسد للود قضيه !

ملاحظه : ان كنت ترى ان الملاهي الليليه والخمورشيء عادي فتجاهل هذا الموضوع وخذ الفكره العامه واضغط
CTR+W ... حفاظا على ايجابيه الحوار

فجأه كده ؟!!

2009-05-16T20:06:00.000-07:00

السلام عليكم ورحمة الله وبركاته

بعتذر على البوست المتـأخر ده ...اعذروني ضغوط مايعلم بيها الا ربنا

لفت انتباهي حاجه مدهشة جدا (هي مش مدهشه قوي يعني ) بس اللي بيتأمل بيندهش

قصة تغير التوقيت في مصر !!! مش بتكلم عليها كـ فكره

بتكلم على انه في يوم وليله تلاقي كل حاجه اتقدمت ساعه

معاد القطارات ,مواعيد الدوام, كل حاجه متعلقه بالوقت

والاغرب ان كل الناس قدمت الساعه (كل الناس؟؟) اه كل الناس

طب مش حاجه غريبه ؟؟ ان الناس يكون عندها الوعي ده ؟!

فجأه كده ؟!!
------------------
لنخرج قليلا عن النص...

هو مش كل الناس متفقين على ان لو كل واحد عمل الحاجه الصح الدنيا هتتغير كلها ؟؟
مثلا على سبيل المثال لا الحصر
مش لو كل واحد مشي في الشارع بعربيته مظبوط واحترم قوانين المرور الدنيا عمرنا ماهنلاقي زحمة سير؟

مش لو كل واحد بطل يرمي المخلفات في الشارع الشوارع هتكون نضيفه؟

مش لو كل واحد ادى عمله باتقان هنكون بلد منتج وعلى اعلى مستوى ؟

مش لو كل واحد بطل يعمل معاصي ربنا هيوفقنا وينصرنا ؟؟

مش لو كل واحد كان جاد في حياته العمليه هيضمن لنفسه مستقبل افضل ؟

مش لو كان مش لو كان مش لوكان......................

----------

نرجع لموضوعنا ... طلاما ان كل الناس متفقه على المفاهيم دي ليه كلنا مانغيرش نفسنا ونبقى مجتمع ايجابي بجد؟!

بحلم باليوم اللي اصحى فيه الاقي كل واحد حاسس بانه

لو كل الناس زيه

الدنيا هيكون لها شكل تاني

ساعتها

.......

لك ان تتخيل الموقف....

في امان الله

الروتين وثقافة قتل الابداع

2009-04-18T04:01:00.000-07:00

في صباح ذلك اليوم استيقظت مبكرا (كالعادة ) لاتفقد ماحولي بلهفه لعلي افاجئ نفسي بشيء جديد مثير للاهتمام ولكن (كالعادة ) كل شيء في مكانه كمشهد مكرر من الليله الماضيه ...

كالعادة قمت مسرعا واعددت نفسي للذهاب للكليه كالعادة يوم روتيني اخر جديد لااعلم كيف اقترنت كلمة الروتين هنا بالجديد...شيء عجيب!!

ركبت المواصلات كالعاده كل شيء تقليدي نفس الكلام على نفس الاذاعه في نفس التوقيت في نفس الثانيه كل شيء تقريبا مكرر نفس البرنامج اللذي اصادفه يوميا!! نفس كل شيء!!

كل شيء روتيني ممل نفس الاشخاص من حولك يتحدثون نفس الاحاديث ,اما عن فلان وعلان او عن كرة القدم واحداث الملاعب المثيره !! او عن رغيف العيش المسكين !!

لوحاولت عابثا فتح نشرة الاخبار آملا في تغيير روتين او العثور على مايستجد ستعود مكللا بخيبة امل فالاخبار تتكرر يوميا ..لاجديد نفس نشرة اليوم هي نشرة الامس مع اختلاف صيغ التعبير!!

نفس الوضع ان حاولت ان تستكشف جديدا في مقر العلم والمعرفه, صرح الثقافة, نهر المعلومات (المتجدد )....الخ
ستجد نفس الاشخاص المحبطين الروتينيين... نفس الجو الروتيني الكئيب..
نفس الاحاديث نفس خط السيــــر نفس طريقه التفكير التقليدية نفس الثقافة القائلة (اعمل اللي عليك وخلص واتكل على الله ... )

روتين قاتل بمعنى الكلمة ...
قاتل للابداع ,قاتل لمحاولة التفكر والتفكير ,قاتل للتطور , قاتل للتطوير , ثقافة شعب روتيني هوى به الروتين الى هاوية الامم ...

عند ادنى محاولة لكسر الروتين والتفكير الابداعي , عندها ستتهم مباشرة بالفضاوه وقلة المشغله... >>خليك زي الناس

لاامل لمن يريد كسر الروتين القاتل ومحاولة الابداع والتطوير ,,لاامل له الا الله ثم محاولة تطوير ذاته وعدم الاتفات مطلقا الى صيحات 99% ممن حوله ,,,

ياترى هل بات الناس يشعرون نفس الشعور ؟! ام ان الروتين القاتل قتل فيهم الابداع والاحساس المرهف بضرورة التطور!!

سؤال الح على في قرارة نفسي ولكن لم اجد الا جواب واحد ....

الروتين ...ولا مجيب غيره !!! وعجبي

ثقافة الكل في الكل عند الشعب المصري

2009-03-18T11:52:00.001-07:00

السلام عليكم ورحمة الله وبركاته

من زمان والموضوع ده بيخطر على بالي كتير وبحس انه من اهم المشاكل اللي بيعانيها الشعب المصري اللي هي مشكله ان (كله بيتكلم في كله )

يعني تلاقي السباك عمال يتكلم في السياسه والحكومه وووو... وتلاقيه دخل على شويه نصايح وحواديت هووووووب وتلاقيه دخل في الدين وقاعد يفتي ومواويل ...

مشكله... مش كده ؟!

من اهم اسباب نجاح الدول المتقدمه انها كل حاجه بتنسبها الى المختصين فيها يعني هنصنع عربيه يبقى نجيب اخصائي (فرش موكيت) علشان يفرشها ومتخصص في (التوازن والسرعه )علشان يظبط التوازن ووو الى اخره في الاخر هيطلعلنا منتج متكامل رائع بمعنى الكلمه ونيجي نشجب حظنا ونقول ليه مانعملش زيه

ماهو من (الفهلوه )اللي عايشين فيها كل واحد يقدر يعمل كل حاجه مهما كانت

هي اكيد مش حاجه وحشه لكن دي بتنتج شيء رديء غير مدروس لايصلح لشيء

حاجه تانيه ملاحظها برده يجيلك الواحد يقوللك بص هوا الدين بيقول كذا وكذا والتاني يقول لأ الدين بيقول كذا كذا ويقعدوا يفتوا كل واحد شكل والدنيا تدخل في بعضيها...

طب بالله عليك شوف كده اللي عمال بيفتي على مزاجه يعرف ايه في الدين ؟...

طب سيبتوا ايه للي كرس حياته علشان يفهم الدين فهم صحيح وفق الكتاب والسنه وفهم صحابة الرسول صلى الله عليه وسلم

وينتج لنا ناس عاملين مشاكل فكريه عند الناس وفي اعتقادهم هو ده الصح لانهم شايفينه كده لكن الحقيقه هو ده اللي اتربوا عليه والبيئه المحيطه اثرت بيه عليهم وتشربوها واقتنعوا بها وفق ضغوط معينه محيطه بهم

معلش الكلام شويه دسم لكن بجد حاجه تغيظ

لما الواحد يقوللك مثلا ياعم الاغاني مش حرام مانا طول عمري بسمع اغاني وعااااااااايش ولا حصللي حاجه وبعدين انا بسمع حاجه وحشه؟! دا كله كلام في الحب وحاجه جميله اوي...

طب بالله عليكم ايه رأيكم اقوله ايه ... فعلا اسمها ثقافة الكل في الكل ...عارف كل حاجه في اي حاجه وكأن شواطئ العلم وقفت عند قدمي...

يارب نقدر نتغلب على المشكله دي ونحط الامور في نصابها الصحيح يلا معلش طولت عليكم

مادمت هناك حياة اذن هناك موووووووز

2009-02-24T05:35:00.000-08:00

مادامت هناك حياة اذن هناك امل (طب ازااااااي؟)

ويلكم افري بدي واللي مش من حاسبات يعدي الموضوع ده ايوا احسنله علشان متجيلوش (.) (dot)

نرجع كده بالشريط 15 ساعه كده ------------------ ايـــــــــــوا بس هنا

كنت راجع يوم من الايام (ربنا مايعوده يارب) من الكليه ماشي كده لقيت واحد بيبيع موووووووووز قلت بص بقا الواحد احسن حاجه يعملها لما يحس انه مقروود ومش على بعضه ياكل موووووووووز

بكام المووووووز ياعم ب3 جنيه مع اني شايف ب2.5 بس مش مهم هات 2 كيلو >>الغريب انه قبل مايحط الموز في الكيس حطه في جرنان(جريده) للي ثقافته فرنساوي هع هع هع هي جرنان ولا جرنال والله مانا عارف يلا عديها

وصلت البيت وقبل ما ابدا في معركة الـ MOzZz ببص في الجرنان تحت عنوان (اشوااااك ) كاتب تحتها (ٍ ِحكم ) سيادته وكاتب من ضمنهم

مادامت هناك حياة اذن هناك امل طب ازاااااااااااااااااي
حطيت الموزه المسكينه وفكرت (امها داعيه عليها دي ولاايه)
مكانش سعد زغلول قال (مفيش فايده ) هههههههههه هوا كان سعد زغلول برده ؟؟

ومكنتش اشتريت المووووووووووز

ايوا معاك ان في امل وسعاد وننوس ومحدش يقوللي يعني ايه ننوس ممكن بنت نهر النيس على راي واحد صاحبنا هههههههههه

انا بيتهيألي ان العباره دي معدتش تنفع في الزمن ده دا الواحد من كتر الامل حاسس ان احياننا بيسدق نفسه ان في امل

لكن سدقوني عمر الامل مابييجي من طرف واحد الامل لازم البيئه اللي حواليك تساعدك انك تحققه

ياريتني مااشتريت موووووووز مالها الفراوله :D احمر ولونو جميل

الا بالمناسبه انتوا مش حاسين ان المساواه في الظلم عدل؟

يعني لما تحط السلطه مع الكوسه مش بينتج لنا اكله ديلشز مووووووت هههههههههههه؟؟!!!

لما السلطه تغير من الواقع وتخلي صاحب الحق مظلوم
يشعر المواطن بالكوسه متمنيين ان لايحاول المطالبه بحقه علشان في الحاله دي العمليه هيبقى فيها صلصه !!! والحدق يفهم

فعلا مادامت هناك حياه... خليني اكمل اكل موز احســن !!!

لحظة تأمل (من خواطري)

2009-01-17T15:44:00.000-08:00

كثيرا مااكتب واكتب واكتب ثم اقرر عدم اظهار كتاباتي للاخرين والسبب بسيط

هو انني ببساطه هو الشخص اللذي بين السطور نعم هذه السطور تجسدني

مافائده الحياة اذا كنت ورقة مكشوفه تذهب بك الريح وتأتي...

مااجمل ان تكون كالصدفه ...

ان الاحساس احساس لايوصف ...

ان مايشاهده المرء من حال الناس من حوله يأثر على على شخصيته ,سلوكه , تصرفاته تأثيرا كليا وجزئيا

انظر الى الحياة من منظار الناس وليس من منظارك انت
شاهد كيف هي نمط حياتهم (قاسي ,مرهف,هادئ,مرفه,مظلوم....) الى اخر القائمه

بالتأكيد ستعلم انك داخل صدفه ماان تختلط ببيئه محيطه الاوتجدها تتغذى منها اياً كانت (رمال,صحالب ,صخور...)
وبالتأكيد ستتأكد انك ببساطه شديده عبارة عن مجموعة ترسبات وترسخات نفسيه ناتجه عن البيئة من حولك
اننا نحن البشر نتجانس مع البيئه المحيطه بنا كالاسفنج حينما يشرب الماء (اعذروني لااجد تعبيرا يسعفني )
قد يشعر البعض بهذه الترسبات والتغيرات البطيئة جدا وقد يتنبه البعض لها فيحتمي منها ويتمسك باسلوب حياته
بعضنا كالضفادع لاتتأثر بدرجه حرارة المياة من حولها طالما انها تزيد تدريجيا وبعضنا يشعر بهذه التغيرات ويقفز الى موقعه الفعلي

قد آتي بعد مده طالت او قصرت واقرأ كلامي هذا واتعجب كيف كتبت هذا الكلام وذلك لانني وقتها قد تشربت ثقافه جديده اسلوب حياة جديد نمط عيش جديد مزيج من كل هذا وحينها قد احكم على من كاتب هذا الكلام السابق بأنه مجرد (شخص فاضي ) واعذروني

يابروجيكت ((كلك حركات))

2008-12-28T13:54:00.000-08:00

يابروجيكت كلك حركات

كل واحد في الدنيا بيتعلم من المواقف اللي بتحصلله وبيستفيد

النهارده بقا حصل حاجه مهمه جدا بهذا الخصوص كان في مشروع كلفنا بيه الدكتور(x) في الكليه , كان الدكتور قصده عظيم باقدامه على الخطوه دي , لكن تقول لمين ومين يسمع , الشعب المصري طبعه غريب دايما تلاقيه بيستغل المواقف الايجابيه لصالحه السلبي (ترجم ياعم مش ناقصه الغاز!!!) ههههه اقوللكم قصدي يعني مثلا الدكتور يقصد بالمشروع ده ادخالنا في بيئه العمل الجماعي والتفكير الجماعي لعمل البرامج وايجاد الحلول ووالخ... الشعب المصري بقا استغلها ازاي فرصه اهو واحد يتكفل بالمشروع والباقي يتكفل بالدرجات هههههههههههه بالظبط كده واتحدى...

المهم الحياة تجارب والفاشل مش اللي يقول انا فاشل وانما الفاشل اللي مايستفيدش من التجارب ويحولها لإيجابيه ومعالجة سلبياته

حاجه كده بقا على السريع : كنت محضر البريزينتشن للمشروع ده على انه برزينتشن محترم في مكان محترم لكن للأسف حصل حاجات كده مكنتش عامللها حساب زي كون البريزينتشن مضطرب (كثير الاسئله) وكوني مش ملم بكل حاجه في الكود ده غير اني اول مره اقف قدام دكتور ههههههههه (دي لوحدها كفايه )

يلا آمل ان الكل يستفيد من المواقف دي وميبقاش عضو غير فعال في التيم بتاعه

نصيحه عل ماشي( محدش يدخل تيم فيه اصحاب ) وكل سنه وانتوا طيبين

والعيد فرحه!!!! مااااااااء

2008-12-05T09:18:00.000-08:00

العيد جه كل سنه وانتم طيبين ووو...

زي الكلام اللي بنقوله كل عيد بصراحه من كتر الكلام اللي بيتقال زي كده مبقتش بحس بأي معاني التهنئه .... اه وانت طيب ياحج ... اه وانتي طيبه ياطنط ... وبعدين

فين ايام الطفوله ترجع تاني علشان نحس بمعنى العيد من جديد ... بجد الطفوله هي اللي افتكر اني كنت بفرح فيها ايام المناسبات (السعيده وقتها)

اما دلوقتي مش عارف كل مالواحد يكبر كل مايقل فرحته بالعيد

والعيد فرحه ماااااااااااااااااااااااااء على رأي soul life ههههههههههههه

حاولت بصراحه اعرف ليه الواحد (اللي هوا انا!!) لما بيكبر بتقل فرحته بالعيد , وفسرتها بحاجات كتير ,ممكن علشان مبيطلعش من البيت ويتفسح ؟! لالا مستحيل ,ممكن علشان مبيبقاش معاه وقتها اصدقاء يفرحوا مع بعض ؟!! والا علشان عنده امتحانات قريبه وشايل همها ؟؟ والا علشان حاسس انه مفيش جديد في العيد السعيد ده مقارنة بباقي الايام ؟؟ الله اعلم , ممكن خليط من كل كل الاسباب دي...

وياحظك يا soul life

زمانك مبسوط في منى دلوقتي ...هههههه ماشاء الله عليك

اتمنى اكون انا لوحدي اللي مش بيحس بالعيد وان الجميع يكونوا بيستمتعوا بيه ....

وكل عام وانتم بخير

وهي الحياه ايه غير شوية حواجز

2008-11-08T13:38:00.000-08:00

بسم الله الرحمن الرحيم

بيقوللك (انا اللي بقول ):)
الدنيا عباره عن شويه حواجز لو اجتزت الحاجز يبقى كويس.. ولو كسرت الحاجز يبقى انسى انك هتواجه الحاجز ده مره تانيه
والحواجز انواع بالطبع
في حاجز بينمي عندك حاجه...

وفي حاجز بيهدم عندك حاجه...
اما النوع الاول:
فمثلا كسر الحواجز اللي بتواجه الانسان وبتشكل قدامه عقبه في طريق النجاح في الحياه العمليه على سبيل المثال (حاجزفي مواجهة الناس , القدره على اداره الازمات الشخصيه , كسر الحاجز المتعلق بخطوه قادمه والبدء فيها ومباشرتها , .... )
وغيرها من الحواجز والدنيا حواجز ....
النوع التاني:
هي الحواجز السيئه التي من الخطر كسرها لانك لو كسرتها ادت الى مشاكل مزمنه بالنسبة لك ,,, على سبيل المثال اذكر لك قصه سمعتها منذ 4 سنوات تقريبا ...

عن اناس في الثلاثه قرون الماضيه شخص قتل شخصا في قريه وكان القاتل من عائله ثريه مرفهة لها مركزها وسلطتها فطالب اهل القتيل بالقصاص اي يقتل القاتل فحاول اهل القاتل التهرب من القصاص وحاولوا اقناعهم بالقبول بالتعويض المادي واخذوا يحاولوا ويحاولوا الى ان قال ابو القتيل : سأقبل بالديه ولكن ليس كأي ديه فاارتاح اهل القاتل وقالوا اطلب ماتشاء قال اريد 4000 دينار بشرط ان يدور القاتل على كل بيت ويستجدي من كل بيت دينارواحد -اي يشخذ من كل بيت دينار - وافق اهل القاتل على ذلك واخد القاتل يدور على كل بيت مده معينه الى ان جمع 4000 دينار وانتهت قصة الثار بالنسبه لاهل القتيل

ولكن هدف ابو القتيل لم يكن المال,,, لقد كسر في القاتل حاجز سؤال الناس فاصبح القاتل مهنتة الرئيسيه في الحياة هي استجداء الناس وطلب المساعده منهم (اي كسر حاجز ماء الوجه واصبح شحاذا) لماذا لانه كسر حاجز .... ولكن اي حاجز...

هذه مثال على الحاجز السيء الذي من الافضل ان نبقيه كما هو حتى ان احتجنا كسره فلابأس من القفز من فوقه ولكن لانكسره .....
هذا واتمنى ان نعرف الحواجز اللتي لابد من كسرها والتي لابد من ابقائها ومن اهم الحواجز التي لابد ان نراعيها .... الحياء .

اشكركم جميعا على متابعه المدونه والتقيكم في بوست قادم

طب ماهو كل الناس كده!!!!

2008-10-22T14:28:00.000-07:00

انتبهت فجأه للعباره دي وفكرت ايه كميه السلبيه النابعه منها يااااااااااااااااااااه للدرجادي بقا الشعب ايجيابي

انا قلت ماهو كله كده

وانت قلت كده
واحمد وزيد وعبيد ووو قال كده برده

الناتج عباره عن خراب بيوت فعلا

الحاجات دي خطرت على بالي اول ماسمعت الكلمه دي من واحد قالها

قلتله طيب ماينفعش تكون انت الوحيد اللي مش كده

طبعا بغض النظر عن الحاجه اللي بتكلم عنها لكن بجد حاجه مؤسفه ان الشخص يمشي مع التيار ومايلتفتش حواليه من كون الشيء ده صح والا لا

وصدق الرسول صلى الله عليه وسلم (لاتكن إمَعاً اذا احسن الناس احسنت واذا اساؤا اسأت )

يارب تكون فكرتي وصلتلكم

تحياتي العميقه

معلش احنا هنتظبّط

2008-10-14T13:25:00.000-07:00

زي مانتوا شايفين اسم الموضوع ممكن يكون اجمد من الموضوع نفسه لكن نحاول نشرح المقصود قدر الامكان

امممم بصراحه علشان تكونوا عارفين في دماغي حاجات كتير جدا عايز اقولها بس مش قادر ابدأ منين
كنت من شويه في مدونة soul life
وكان كاتب موضوع عن 6 اكتوبر والنصر الي حصل وازاي ان الناس دي ضحت بالغالي والنفيس علشان يتم النصر ....الخ الخ الخ وكان ردي عليه قلتله طيب الناس دي عملت كده .... طب واحنا عملنا ايه>>>>>> سؤال وجيه جدا من وجهة نظري المتواضعه

لما الواحد يكون هدفه انه يفتح بيت ويكون اسره ويموت معاه فلوس .. ومفكرش في البلد اللي عايش فيها ... يبقى معلش احنا هنتظبّط ...

لما كل هم الواحد انه يتابع جديد العربيات والافلام والاغاني وو الخ الخ وحياته كلها كده ..... يبقى معلش احنا هنتظبّط

لما يبقى الطالب كل همه انه يدح الكتاب ويصمه صم علشان ينجح ويجيب تقدير بدون ادنى استفاده من العلم ده معمول لأيه يبقى معلش احنا هنتظبّط

لما البنت يبقى كل همها في الحياه انها تعيش قصه حب وخلاص يبقى الجيل الجاي من الابناء ... معلش احنا هنتظبّط

لما الواحد يضيع وقته بالهبل ومش عارف هو بيضيعها في ايه يبقى ... معلش احنا هنتظبّط

بيني وبينك دي

لما انا اروح الكليه واجي من الكليه انام واقوم الصبح اروح الكليه يبقى معلش انا هتظبّط

لما لما لما لما لما ......................... يبقى معلش احنا هنتظبّط

طب وبعدين لغايه امتى هقول معلش احنا هنتظبّط ؟!!!

"يالذيذ يارايق"

2008-10-04T22:40:00.000-07:00

العيد خلص ورجعت الكليه من جديد ورجعت ايام البهدله من جديد بس انتوا عارفين الكليه دي بالذات على قلبي زي العسل والله كليه لذيذه الواحد مش عارف يكتب فيها قصيده حب والا يتغزل فيها هههههههههههههه ....

مع ان الواحد مش عارف السنه دي مخبياله ايه بس اهو متفائل برده....

خليني اقوللكم على موقف حصل في تاني يوم من ايام العيد كنت ماشي انا وواحد صحبي بنتمشى ههههههه امال بتعوموا هههههههههههه المهم كنا ماشيين كده لقينا واحد قاعد على كرسي من الكراسي العامه عند سور الجامعه دي بيقوللنا :"كابتن كابتن.... سجاير؟؟" انا اتعودت حد يقوللي معاك ولاعه ؟ واقوله مابدخنش المهم انا وقفت كده ثواني وقلتله لا مبدخنش هههههه وصاحبي قعد يضحك عليا ضحك ايه ياعم بتضحك على ايه قاللي الشخص ده بيقوللك سجاير بيبيع سجاير لف وكلام من ده ههههههه وانت بتحسبه عايز سيجاره هههههههههههه المهم انا حاولت اتمالك نفسي من الضحك وقعدت افكر ازاي واحد زي ده قاعد عن سور الجامعه وبيبيع حشيش هههههههههه حاجه غريبه والله

يلا يارب ماكونش طولت عليكم بالتوفيق في العام الجديد ويارب كل سنه وانتوا متخرجين كده
:)

كل سنه وانا طيب ....

2008-09-30T12:50:00.000-07:00

كل سنه وانا طيب ....

وانتم طبعا الاول .... هي كانت مقلوبه بس انتم عارفين لسه الاتش تي ام ال جديد وبيهيس هههههههه

يااااااااااااااااااه مش عارف رمضان ده بالنسبالي ممكن علشان اول رمضان اقضيه لوحدي حاسس انه تقيل شويه وكل سنه وانتوا طيبين

واخيرا جاء العيد هيييييييييييييه انا الفرحه مش سيعاني

:P اول مره اقولها

:)) ههههههههههه

... العيد جه وانا لوحدي برده

انا حاسس اني هعيد مع دكتور نفساني العيد الجاي ان شاء الله دا اذا عشت للعيد الجاي مش عارف اعمل ايه في العيد ده تفتكروا اني اروح

اتفسح لوحدي فكره مش بطاله والا اقوللكم انا اروح الزقازيق .....هههههههههه اعيد على .... ولا بلاش نتكلم في السياسه ....

واحد يقوللي عيد على قرايبك امممممم فكره مش بطاله لكن السفاره بتقفل في ايام العيد ههههههههههههه امممم
ها تفتكروا ايه

اللي ينفع الواحد يعمله لو جه العيد عليه لوحده :( >>>>>> مستنيكم

^_^

الموجة العاصفة (الجزء الثاني ) ...

2008-09-24T17:02:00.000-07:00

استيقظ عمدة الولايه على صوت ارتطام عنيف بجانب بيته فهب من فراشه بصوره عنيفه ليوقظ زوجته التي تملكها الذهول وقال لها بصوت عال اطلبي الحرس فورا وفي ثواني من الذهول امسك هو بسماعه الهاتف ليجد من يشاركه نفس السماعه بيده التفت اليه فذهل من صوة ذلك المقنع الاسود والذي ضحك بسخريه قائلا : "هل افزعتك ايها السمين "

فرك عمدة الولاية عينه ليتأكد انه لايحلم وان هذا المقنع حقيقي وقال : "من انت؟ وكيف دخلت الى هنا؟ وماذا تريد؟"
رد عليه بتهكم :" اريد صديقي الذي يحتجزه رجالك اريده حالا والا... "
قاطعه :" اقسم اني لااعرف شيئا عن ماتتحدث عنه "
رمى المقنع سماعه الهاتف في وجه العمده وصرخت زوجته عاليا تنادي الحراس فرد عليها قائلا :" تقصدين هؤلاء المنتفخين عديمي الجدوى في الخارج اااه لا ادري لماذا فقدو الوعي بعد مناقشه بسيطه بيني وبينهم !! "

ذهل العمده من هذا الكلام الغريب ثم نفض رأسه في محاوله لنسيان الموقف واستجمع قواه وقال : " هل تعلم ياهذا ماهي عقوبة الاعتداء على عمده الولايه في هذه البلد.. "
رد المقنع ببساطه ماذا؟؟!! الدغدغه في مكان عام !! ها هاها ثم اقترب بصوره مفاجئه مخيفه وبدت نبرة صوته مخيفه وهو يقول اسمع ايها الاحمق اذا لم تدع صديقي وشأنه حالا فلست واثق ان رأسك الكبيره هذه ستكون متصله مع جسمك عديم الجدوى هذا" واخرج خنجره الحاد رفيع السن ووضعه على رقبته بخفه شديده

ذهل العمده من هذه الحركات المباغته ثم بدا عليه الاهتمام فجأه ثم قال :" اتعلم لماذا اختطفت صديق اولا ؟! "
رد المقنع ببساطه: " تريد استعادة الوثائق المزيفه خاصتك والتي بحوزتي حاليا"
رد العمده :" بالظبط هذا مااريده بالاضافه الى حياة كل شخص قرأها "

قهقه المقنع ضاحكا :" حقا اتريد رأسي ام تريد رأس القاضي الذي يقرأها في هذه اللحظه"
ذهل العمده وتدلى فكه في ذهول قائلا في استسلام :"لا لاتقل هذا انت لم تسلمها الى القاضي "
بدا على المقنع الجديه قائلا :" هذا ماستحدده انت في هذه اللحظه !" والقى اليه هاتفه الخلوي "

اختطفه العمده وطلب رقم طويل في سرعه وتوتر ورد قائلا :" نعم ايها الاغبياء العمده اريد ذلك الاحمق اللذي معكم هنا حالا .... نعم هنا .... نعم انا على مايرام .... اعلم ذلك ... فورا ايها الاغبياء "

----------------
مر وقت الانتظار طويلا بينما كانت العمده يهز قدميه في في توتر وزوجته اللي كادت تنهار من شده التوتر في حين استرخى ذلك المقنع في عمق واضعاً قدم على اخرى على الكرسي المتحرك واخذ يطلق صفيرا هادئاً
الى ان سمعوا صوت محرك آتي من بعيد فانتفض قائما واشار اليهم بالصمت فاطاعوه كطفل صغير ونتظلع من خلال الستائر ليجد احدهم يترجل من السياره ويتجه نحو المنزل ودق الباب دقات متفرقه مدروسه فأسرع المقنع ليفتح الباب ويختبئ خلفه ليدخل الرجل فيجد ان الدنيا اظلمت امام عينيه وان اسنانه اختلطت بالدم ثم غاب عن الوعي ....

عاد الملثم بسرعه الى الغرفه ليجد العمده يحاول جاهد اصلاح سماعه الهاتف فقفز خاطفا الهاتف من يده وكسر الهوائي الخاص به قائلا:" اسمحلي لا وقت لدينا للاتصالات الغراميه الان ... "

ثم نظر من خلال النافذه ليجد صديقه ينزل من السياره وفي يده مدفع الي وقد علق شريط الرصاص على كتفه

فقفز المقنع مسرعا الى الحقيبه المعلقه في كتفه واخرج بندقيه مزوده بعدسه وبدا واضحا ان المعركه انقلبت من اشتباك بالايدي الى اشتباك بالرصاص ....

-----------------------------

ركل الرجل الضخم صاحب المدفع الالي الباب بعنف ليجد زميله ملقى على الارض ووجهه ينزف فاستشاط غضبا واطلق الرصاص في سقف المدخل بغضب وصاح بصوت عالي:" ستدفع الثمن ايها الاحمق" ودخل مسرعا الى البيت واتخذ وضعيته الاستراتيجيه كقاتل محترف وفجأه !!

أنطفأت الانوار مره واحده بفعل المقنع وارتدى كلاهما نضاره الرؤيه الليله واستلقى المقنع في مكانه المتميز في المنزل والذي اختاره بعنايه واخذ يبحث عن الدخيل في المنزل بهدوء من خلال منظاره فلم يجده فتناول حقيبته بهدوء شديد و اخرج منها قنبله ضوئيه وسحب فتيلها والقاها في سقف المنزل واغمض عينه فانفجررت مبددة ظلام الموقف والهدوؤ اللذي يسود المكان حيث اخذ الدخيل يطلق النار عشوائيا في انحاء المنزل وهو يغمض عينيه لكي لا يصاب بالعمى المؤقت من تأثير القنبله فانبطح الملثم على الارض واحتمى بمنضده قريبه ثم هدأت القنبله وعاد الهدووء يسود المكان مره اخرى حينها اخرج بندقيته ذات المنظار في برود وحدد مكان الدخيل بدقه ثم انطلقت الرصااااااصه القاتله ....

ركض المقنع مسرعا الى مفتاح الكهرباءالموزع وشغله في سرعه ثم التفت الى الغرفه ليجد العمده ممسكا بمسدس ضخم وهو يستجمع شجاعته قائلا: " اقسم اني سأفجر رأسك ان تحركت حركه واحده "

ابتسم المقنع في هدوء والقى البندقيه في هدوء وامتدت يده نحو الحقيبه في هدوء ولا مبالاة فأخذ العمده يكرر: سأقتلك اقسم لك حتى لو كان هذا اخر شيء في حياتي " علق الملثم حقيبته على كتفه في لا مبالاة :" اقتلني لو اردت لن تجرأ انظر الى يديك ستعرف السبب"
نظر العمده الى يده فوجدها ترتجف بشده حتى سقط المسد من يده فتحرك المقنع نحو الباب ببرود فأسرع العمده يسأله : "ماذا عن الاتفاق بشأن الوثائق "
نظر المقنع بتهكم الى المنزل اللذي امتلأ بالثقوب والى المسدس الملقى تحت قدم العمده وقال في سخريه وهو يغلق الباب خلفه : " عن اي اتفاق يتحدث هذا الرجل"

-------------------------------

انتهت القصه ارجو ان تكون نالت اعجابكم يارب ...

الموجه العاصفه

2008-06-30T01:46:00.000-07:00

هدووووووووووووووووووووووووء ....
بدا ذلك المشهد صامتا هادئا الا من تلك النغمه المميزه لذالك الصرير المتقطع في تلك الليله الحاره في تلك البلاد ذا الطابع الصحراوي المميز
... اغلق عينيه بعمق في محاوله يائسه للاسترخاء آملا ان يفتح عينيه على شاطى ازرق جميل ذو رمال ذهبيه ... فتح عينيه في شيء من التكاسل وقام مغادرا ذلك المكان الموحش ونهض الى تلك السياره القويه ذات الدفع الرباعي وجمع اغراضه في شيء من الحزم وانطلق مسرعا ...
كانت السياره القويه تشق الارض كالصاروخ في محاوله لتحريك عجله الزمن وفي قمره القياده بدا ذلك الشخص مفتول العضلات اسود الشعر والمنسدل خصلاته على جبينه بصوره عشوائيه بدا جامد الملامح حتى اتى ذلك الاتصال فالتقط الهاتف بلهفه وتمتم بعبارة تاسخط غير مفهومه وضغط زر الاتصال وهتف بـ "نعم" وسرعان ماجحظت عيناه بذهول والقى الهاتف في غضب واعتصرت قدمه القويه "دواسه البنزين" ....

----------------------

"لقد تأخر صديقك " نطق هذه العباره ذالك الشخص القوقازي البشره ممشوق القوام انيق الملبس حاد العينين قالها وهو يلعب بخنجر رفيع ثم رماه لاعلى والتقطه بحركه رشيقه دون مبالات بذلك الشخص المقيد الى الكرسي الخشبي الصغير مكمم الفم ثم التفت الى زميله الضخم وقال مشيرا الى الشخص المقيد خذ هذا الاحمق والقه في صندوق الشاحنه الى ان يأتي ذالك المتحذلق الاخر قالها وهو يكتب ورقه صغيره ويضعها على الكرسي الصغير ويثبتها بخنجره ثم انطلق مسرعا الى الشاحنه ...

--------------------

" توقف!!"هتف بها شرطي المرور في مكبر الصوت مناديا تلك السياره المسرعه والتي كادت ان تسابق الرياح وفي داخل السياره انفجر الرجل ساخطا ليس هذا وقتك ياهذا ثم توقف بصوره مفاجئه ارتبك الشرطي من طريقته الغير طبيعيه ثم ترجل ماشيا بخصوات بطيئه قابضا على سلاحه ثم قال: انزل من السياره ببطء وارفع يدك حيث يمكنني ان اراها واي تصرف مريب سوف اطلق النار بلاتردد.

تأفف الرجل من هذا الروتين الغير مرغوب في موقفه الحرج هذا وقال للشرطي اللذي بدا متأهبا انني في مهمه انسانيه ياهذا صديقي على وشك الموت على يد رجـ... قاطعه بحزم لاتحاول اشغالي بهذه الترهات ان كان ثم مشكله اتصل بـ"911" انا هنا من اجل تحرير مخالفه سرعه وعدم التجاوب مع الشرطي المسؤول ..

بدا على الرجل الحنق وهو يقول:حسنا حرر لي تلك المخالفه اللعينه واتركني في الحال حياة شخص ما على المحك ياهذا ...

--------------------

انتظروا بقيه القصه قريبا

وهنسافر ونسيب الكرسي هييييييه

2008-06-18T17:20:00.000-07:00

وهسافر هيـــــــــــــــــــــــــــــــــــــه يلا اشوفكم على خير كلها اقل من شهر وراجعلكم ان شاء الله نكمل المشوار

دعواتكم بقا
.
.

.
.
.
.
.
.
دعيتم والا لسه يلا مستني :)

عيال اخر زمن

2008-06-16T17:21:00.001-07:00

الصديق...

2008-06-13T04:22:00.000-07:00

"مالك ياصحبي "

انتبهت فجأه على وقع هذه الكلمه من صديق لي وذالك عندما كنت اراقب حركه الشمس الثقيل وقت الغروب في اثناء رحله العوده من الكليه بالقطار

في العاده فانا اعشق الهـــــدوء خصوصا في المواقف الصعبه وبالطبع موقف كهذا لن يتكرر حينما يكون القطار شبه فارغ الا من بعض الركاب المتفرقين لا سيما الجالسون بجوار النافذه يستمتعون بالطبيعه الخلابه والهواء العليل سبحان الذي خلقها... وبدوري فإن هذه الفرصه لن تعوض ابدا .

انتبهت على هذه الكلمه وشعرت بقشعريره لطيفه تسري في جسدي ماهذا يبدوا انه احساس العاطفه ؟! او انه احساس الاخلاص من هذا الصديق؟! او انه حاله الانتقال من الاوعي الى الوعي؟! ام انها .. ام نها؟! كل هذا دار في خلدي في تلك الحظه خصوصا انني يوميا يتبادر الى ذهني خواطر كثيره ومشاعر جمه عن الصداقه,الاخلاص ,التضحيه لا ادري اشعر بأن هذه الاشياء هي الدم الذي يسري في عروقي ان صح التعبير ... انها تلك العلاقه التي لايرجو اصحابها من بعضهم مالا ولا جاه ولا مصلحه ما , انها تلك المشاعر الراقيه اللي يتمنى لكن طرف للاخر الخير بصدق من كل قلبه ، انها تلك العلاقه اللي يتمنى كل طرف للاخر ان يصبح افضل منه في كل شيء ،، انها تلك العلاقه ،،، نعم انها تلك العلاقه اللتي يغفل عنها كثير من الناس .

ان المتأمل في صداقه البشر في هذا الزمن فبخلاف المصالح والتي لاتعد صداقه من الاساس هناك من يصادق او يصاحب ان صح التعبير لغرض المتعه والتسليه والمرح ,,, نعم لاتستغرب هذا فهذا كثير وتجده يحافظ على هذه الصداقه باستماته لهذا الغرض ويحاول اقناع نفسه انهم اصدقاء للابد وعلى هذا النحو من العبارات المخدره ،،، ولكن كما قيل الصديق وقت الضيق فما ان يقع احدهم في مأزق فينظر امامه فيجد الفراغ وينظر الى ورائه فيجد الفراغ وينظر جنبيّه فلا يجد الا الفراغ فينظر اسفله فيجد الهاويه العميقه التي يظل غارقا فيها الا ان يشاء الله

فمن اي الانواع انت وكيف تحب ان تكون هل ستظل تبحث عن الصديق ؟؟؟ ام تحاول ان تكون هذا الصديق ؟؟؟ ام تريد ان تريد ان تعيش وحيدا افضل ...!
----- الى كل قراء الموضوع حديثي ليس عن الصديق من الجنس الاخر .....!!!
تحياتي العميقه

لخابيط

2008-06-12T08:50:00.000-07:00

لخابيط كتبتها وانا سهران من امبارح والساعه دلوقتي 6.55 مساء في اليوم التاني ومش عايز انام الا لما اصلي العشاء

لخابيط لخابيط اه يادماغي عمرك شوفت واحد دماغه سامع فيها وششششش لكن خلينا نختبر الذاكره في الوقت ده ايه رأيك في الي بيحصل في مصر امممممم

يعتدل في جلسته وقد اسدل ستار النوم على جفونه الشبه مغمضه (:D) وقال في شيء من الخفوت: وضع مين والناس نايمين ياعم الحج والله انا رأي اننا ندي لكل مواطن سرير ومخده وتكون المخده دي على اعلى مستوى احنا يهمنا ان الشعب ينااااااام والنوم هو من مكونات الحياة الاساسيه خخخخ فشششششش ايوا قلتلي انت بتسأل على ايه ....

خلاص ياحج متنامش استنى في سؤال مهم بخصوص التدريب الصيفي

ايه رأيك في التدريب الصيفي خصوصا انه هيبدأ في نصف شهر سبعه وهيستمر حوالي قرابه شهر كامل ده على اقل الاحوال ؟؟؟

بدا عليه التشاؤم وهو يفتح عينيه في تكاسل: انت مين قلتلي...... وبعدين انا هتدرب صيفي ؟؟... اه تسدق دانا نسيت .... انا سجلت كورس جافا من الحق طب وانا هعمل ايه وهروح امتى وهاجي امتى وهسكن في السكن الجامعي والا هسافر كل يوم والا هيكون طعم الاجازه ايه واحنا بندرس فيها ووووووووووو.......

ضرب مقدم البرنامج بيده على المنضده الخشبيه الصدئه (P:) وقال بصوت خشن كفايه كده طلعوه من هنا او هاتوله سرير والا اعملوا اي منظر انا اتخنـــــــــــــــــــق خلاص منك لله ياللي في بالي ......

كان معكم برنامج لخابيط من ارض النعاس وعلى امل الا نلقاكم في هذه المناسبه الملخبطه نستأذنكم مع السلامه ...

موضوعي الاول

2008-06-11T08:29:00.000-07:00

السلام عليكم ورحمة الله وبركاته

ازيكم ياااااااااااااا احلى زوار اخباركم ايه واخيرا عملت البلووووج يااااااه النهارده يوم ايه .......... بالمناسبه دي مناسبه سعيده جدا خصوصا اني خلصت امتحانات خلااااااص لسه امبارح وخدتها نوووووووووم من الساعه 10.30 لغايت,,,,,, متعدوش بقا المهم اني خلصت امتحانات ويارب ننجح وربنا يوفقنا ,,,, كنا بنقول ايه المهم ان شاء الله البلوج ده هيكون جامد جدا وكل الافكار الجديده والتخيلات اللي ممكن تحصل وممكن ماتحصلش وربنا يعيننا يارب ويلا كل اجازه وانتوا طيبين بمناسبة حلول الاجازه السعيده